Jairzino Rozenstrayk mag'lubiyatdan so'ng bayonot berdi

02.03.2021 13:20

Siril Ganga qarshi kurashda mag'lubiyatga uchraganidan so'ng UFC'ning to'rtinchi raqamli jangchisi Rozenstrayk to'qnashuv natijalari va o'z faoliyatini sarhisob qildi.

U bu mag'lubiyatini faoliyatimdagi eng yomoni deb atadi.

"Muxlislarim, oilam, do'stlarim, men jang qildim, ammo, jang men va siz kutgandek bo'lmadi", - dedi surinamlik jangchi Tvitter`da joylashtirgan videosida.

“Agar mendan so'rasangiz, bu faoliyatimdagi eng yomon jangim deb o'ylayman. Men o'zimga nisbatan qattiqqo'lman va hammangizdan qarzdorligimni bilaman. Uyga qaytaman, navbatdagi jang uchun bor kuchim bilan mashg'ulot o'tkazaman. Men shuni ayta olaman: Siril g'alaba qozondi va fenomenal kurashchi ekanligini isbotladi, men uni hurmat qilaman".

Eslatib o'tamiz, o'tgan hafta oxirida Las-Vegasda bo'lib o'tgan UFC Fight Night 186 turnirining asosiy jangi - Jairzino Rozentsrayk va Siril Gan o'rtasidagi to'qnashuv hakamlarning 50-45 hisobida bergan bahosi sabab franciyalikning g'alabasi bilan yakunlangandi.