Musobaqa doirasida Olimpiya o'yinlari g'olibi Lazizbek Mullojonov nigeriyalik Monyasahu Muritador bilan, yana bir hamyurtimiz Nurislom Ismoilov esa Tanzaniya vakili Jozef Maigvisya bilan to'qnash keladi.
Etiborlisi, har ikki jang WBC CISBB kamari uchun o'tkaziladi.
Malumot uchun, WBC CISBB kamari — bu World Boxing Council (WBC) bilan bog'liq bo'lgan mintaqaviy tashkilotdir: "CIS, Slavic and Baltic countries Boxing Bureau" nomi bilan. U CIS (Mustaqil davlatlar hamdo'stligi) mamlakatlari, Slavic (Slovyan) hamda Baltic (Boltiq) davlatlaridagi professional boksni rivojlantirish uchun faoliyat ko'rsatadi. WBC CISBB chempionlik kamari bokschi uchun mintaqaviy chempionlik unvoni hisoblanadi — yani jahon darajasida emas, lekin katta mintaqada (CIS/Slavic/Baltic) etiborli unvon. Masalan, o'tgan vaqtlarda bokschi Erjan Zalilov WBC CISBB Silver unvonini qo'lga kiritgan. Kamarni qo'lga kiritish natijasida bu bokschi uchun reytingda ko'tarilish, ko'proq omma etibori, promoushenlarning qiziqishi va keyinchalik katta bosqichga o'tish imkoniyati yaratilishi mumkin.
Toshkentdagi boks oqshomining to'liq kardi quyidagicha:
Markaziy jang. Yarim o'rta vazn toifasida 8 raundlik jang: SHahram G'iyosov (O'zbekiston, 17-0-0) - Mark Urvanov (Rossiya, 25-4-2)
Super og'ir vaznda 8 raundlik jang: Bahodir Jalolov (O'zbekiston, 16-0-0) - Solomon Adebayo (Nigeriya, 14-0-0)
Super og'ir vaznda WBC CISBB kamari uchun 10 raundlik jang: Lazizbek Mullojonov (O'zbekiston, 6-0-0) - Monyasahu Muritador (Nigeriya, 6-3-2)
Og'ir vaznda 6 raundlik jang: SHohjahon Abdullaev (O'zbekiston, 5-0-0) - Gutram Ngoya (Tanzaniya, 13-2-0)
Super og'ir vaznda 6 raundlik jang: Ozodbek Aliev (O'zbekiston, 3-0-0) - Aleksandr Zubkov (Rossiya, 11-12-0)
Ikkinchi o'rta vaznda WBC CISBB kamari uchun 10 raundlik jang: Nurislom Ismoilov (O'zbekiston, 7-0-0) - Jozef Maigvisya (Tanzaniya, 15-5-0)
Ikkinchi o'rta vaznda 6 raundlik jang: Aloxon Abdullaev (O'zbekiston, 4-0-1) - Suhrob Qayumov (O'zbekiston, 4-0-1)
Super yarim o'rta vaznda 8 raundlik jang: Rajab Butaev (Rossiya, 15-1-0) - Artyom Pugach (Rossiya, 3-12-4)
Yarim engil vaznda 6 raundlik jang: Baxtiyor Ilyosov (O'zbekiston, 1-4-0) - Xursand Imankuliev (Turkmaniston, 4-0-0)
Yarim o'rta vaznda 6 raundlik jang: SHerzod Xabibov (O'zbekiston, 4-0-0) - Asadbek Bekmirzaev (O'zbekiston, 1-1-0).
INTERVYU. CHempion bo'lganimdan keyin “lyuboy” i bilan urishaman - SHahram G'iyosov
Anvar Boynazarov yana MMAga qaytmoqda. Uning raqibi, jang sanasi va manzili aniq (POSTER)
