Maxachev kutilganidek yarimo'rta vaznda amaldagi divizion chempioni Jek Della Maddalenaga qarshi oktagonga chiqadi. Ushbu chempionlik jangi noyabr oyida AQSHning Nyu-York shahrida tashkil etiladigan UFC 322 turnirining markaziy to'qnashuvi bo'ladi.
Bu haqda aynan Nyu-Yorkda jurnalistlar va muxlislar bilan o'tkazilgan matbuot anjumanida Islamning bosh murabbiyi Xabib Nurmagomedov xabar berdi.
"Ular shu erda, Nyu-Yorkda jang o'tkazishadi. Ali Abdel-Aziz bu xabarni oshkor qilganim uchun mendan xafa bo'lsa kerak. Bu uning muammosi. UFC bilan Ali gaplashadi. Lekin bizga jang "Medison Skver Garden"da bo'ladi deb tasdiqdan o'tgan xabarni aytishdi", – dedi Xabib.
Raqamlangan UFC 322 turnirining sanasi hali rasman elon qilinmagan. Lekin katta ehtimol bilan bu kutilayotgan turnir 15 noyabr kuni bo'lib o'tadi. Avstraliyalik Jek Della Maddalena shu yilning may oyida Belal Muhammadni ochkolar hisobiga ko'ra mag'lub etib, yarimo'rta vazn chempioni bo'ldi. Islam Maxachev esa engil vazndagi kamarini vakant qoldirishi ortidan Maddalenaga qarshi oktagonga chiqish huquqini qo'lga kiritdi.
