Hamyurtimiz yakshanba tongida amerikalik Sedrik Dyumaga qarshi o'tkaziladigan jangidan keyin kim bilan oktagonda yuzma-yuz kelishni xohlashini aytdi.
"Agar Dyumani mag'lubiyatga uchratsam, keyin faqat bir kishi haqida o'ylay boshlayman —Jerald Mershert. U vatandoshim Mahmud Muradov bilan jang qilib g'alaba qozongandi. SHuning uchun ham, keyingi raqibim sifatida aynan Jeraldni ko'rmoqchiman. Muradov uchun revansh olishni istayman", — dedi Ro'ziboev.
Eslatib o'tamiz, Mahmud Muradov 2021 yilning 29 avgust kuni Las-Vegasda o'tgan UFC Vegas 35 turnirining asosiy kardida Jerald Mershertga qarshi oktagonga ko'tarilgandi. O'sha jangning ikkinchi raundida Mershert Muradovni bo'g'ib qo'ygan edi.
