Tashkilotchilar tomonidan UFC on ESPN 57 turnirining yana bir jangi elon qilindi. Yarimog'ir vazn toifasida o'tkaziladigan ushbu uch raundlik jangda Dominik Reyes Dastin Jeykobiga qarshi oktagonga ko'tariladi. Ushbu bahs oqshomning co-main event jangi bo'ladi.
Malumot uchun, 34 yoshli Dominik Reyes 4 ta mag'lubiyatli seriya bilan kelmoqda. Qizig'i, u so'nggi jangida Bogdan Guskovning ertangi raqibi Rayan Spennga yutqazib qo'ygandi. Spenn Reyesni birinchi raunddayoq nokautga uchratgan edi. 36 yashar Dastin Jeykobi esa oxirgi 4 ta jangining 3 tasida mag'lubiyat alamini totib ko'rgan. So'nggi jangida hakamlar qaroriga ko'ra Alonzo Menifildga imkoniyatni boy bergandi.
Ayni paytda Dominik Reyes yarimog'ir vazn toifasi reytingida 14-o'rinni egallab turibdi. Dastin Jeykobi esa divizionning Top-15 jangchilari ro'yxatiga kirmaydi.
