Saudiyaliklar britaniyalik chempionga so'nggi moliyaviy taklif tayyorlashyapti. Bu haqda ukrainalik bokschining promouteri Aleksandr Krasyuk xabar berdi.
"Menga malum bo'lishicha, tashkilotchilar Taysonga so'nggi rasmiy taklif tayyorlashyapti. Hammasi Fyurining o'zida qoldi. Biz o'z tomonimizdan qo'limizdan kelgan bor harakatni amalga oshirdik. Agar u bu taklifni qabul qilsa, katta jangga ega bo'ladi. Faoliyatidagi eng buyuk jangni qo'lga kiritadi. Mabodo rad javobini bersa, u holda kamarni bo'shatib qo'yib, nafaqaga chiqishi shart bo'ladi", - dedi Krasyuk.
Matbuot anjumanida ishtirok etgan Aleksandr Usik ham bu masalaga o'z munosabatini bildirdi.
"Superog'ir vazn toifasidagi ajoyib jangni muxlislarga ulasha olish imkoniyati menda borligidan xursandman. Bu men uchun katta sharaf. Ha, Fyuri men bilan jang qilishdan qochyapti. Lekin biz uni majbur qilamiz. Biz bu ishni amalga oshiramiz", - dedi ukrainalik jahon chempioni.
Eslatib o'tamiz, Aleksandr Usik WBA, WBO, IBF va IBO chempionlik kamarlari sohibi bo'lib turibdi. Tayson Fyuri esa WBC chempioni. O'tgan oyning so'nggi kunlari Butunjahon boks associaciyasi (WBA) Usik kamarini majburiy davogar, britaniyalik Daniel Dyubuadan himoya qilishi kerakligini belgilab bergan edi.
Olovli kard yig'ilyapti. Tim Czyu ham ham Madrimov - Krouford oqshomida ringga chiqadi