Sobiq jahon chempioni Xayme Mungiya doping testidan o'ta olmadi

31.05.2025 18:42

Super yarim o'rta vazn toifasida WBO yo'nalishi bo'yicha sobiq jahon chempioni Xayme Mungiya Bruno Suras bilan revansh jangidan so'ng undan olingan tahlil natijalariga ko'ra, doping-testdan o'ta olmadi.

VADA malumotlariga ko'ra, Mungiya testlari ekzogen testosteron metabolitlarining yuqori darajasini aniqlagan. Xayme o'n kun ichida "B" namunasini ochish va sinovdan o'tkazishni talab qilish huquqiga ega. Agar u ham taqiqlangan moddalar uchun ijobiy natija bersa, bokschi diskvalifikaciyaga duchor bo'ladi va Surasga qarshi jang natijasi bekor qilinadi.

Mungiya va Suras o'rtasidagi revansh jangi shu yilning may oyida Ar-Riyodda (Saudiya Arabistoni) bo'lib o'tgandi. To'liq davom etgan ushbu jangda Xayme ochkolar hisobiga ko'ra g'alaba qozongandi.