Ramazon Temirovdan keyin Bogdan Guskovning ham 26 iyul kuni UFC Abu-Dabi turniri kardida jang o'tkazishi malum bo'ldi. Yarimog'ir vazndagi aralash yakkakurash ustamiz shu kuni rossiyalik 33 yoshli Nikita Krilovga qarshi oktagonga chiqadi.
Krilov aprel oyida ikki yillik tanaffusdan so'ng oktagonga qaytgan va biroz kutilmaganda birinchi raundning o'zida nokaut evaziga Dominik Reyesga imkoniyatni boy berib qo'ygandi. Nikita bu mag'lubiyatiga qadar uchta jangda g'alaba qozongandi.
Angrenlik 32 yoshli Bogdan Guskov esa uchta g'alabali seriya bilan kelmoqda. O'zining debyut jangida tajribali Volkan Ozdemirga yutqazgan hamyurtimiz keyin Zak Pauga va Rayan Spenn ustidan nokaut evaziga g'alaba qozondi, Billi Elekanni esa gilotina usuli bilan taslim etgandi.
Ayni paytda Nikita Krilov UFC yarimog'ir vazn toifasi reytingida o'ninchi, Guskov esa o'n to'rtinchi o'rinni egallab turibdi.
Xaver Mendes: "Belal Xabibning yo'lidan bordi, lekin buning tovonini qon bilan to'ladi"