"Danaga kim birinchi raqamli ekanligini ayting!". Maxachev P4P reytingi borasida Dana Uaytga murojaat qildi

07.12.2024 16:21

Rasmni yuklab olish

UFC prezidenti Dana Uayt UFC 311 turniriga bag'ishlangan matbuot anjumanida P4P reytingi haqidagi savolga javob berdi.

Qayd etish lozimki, rasmiy P4P reytingida Maxachev birinchi o'rinda turibdi, lekin Uaytning fikri boshqacharoq.

Jurnalist: Agar Islam o'z ishini bajarsa, sen P4P reytingida uni birinchi o'ringa qo'yasanmi?

Uayt: Ko'ramiz.

Maxachev: Dana, sen adolatli bo'lishing kerak (kuladi).

Uayt: Islam men uni yaxshi ko'rishimni biladi, lekin bu borada mening fikrimni bilasiz. Jon Jons - necha yildan beri engilmas hisoblanadi? Qancha tanqid qilsangiz qiling, menga farqi yo'q.

Maxachev muxlislarga qarata: Kim birinchi raqamli? Danaga ayting!

Eslatib o'tamiz, UFC 311 turniri 18 yanvar kuni Los-Anjelesda o'tkaziladi. Kechaning markaziy jangida Islam Maxachev Arman Carukyanga qarshi bahs olib boradi.