Musobaqada -75 kg vazn toifasida yurtimiz sharafini himoya qilayotgan Fazliddin Erkinboev Ozarbayjon nomidan JCHda qatnashayotgan hamyurtimiz Saidjamshid Jafarovga qarshi ringga ko'tarildi.
Jang to'liq 3 raund davom etdi va unda Fazliddin Erkinboev 5:0 hisobida g'alabaga erishdi. U jang mobaynida Jafarovni nokdaun holatiga ham solib qo'ya oldi.
Malumot uchun, Fazliddin chorak finalga qadar Qirg'iz Respublikasi va Armaniston bokschilarini mag'lubiyatga uchratgandi.
Endi Erkinboev yarim finalda Qozog'iston yoki Isroil mamlakati bokschilaridan biriga qarshi jang qiladi.
