Olti raundga mo'ljallangan boks jangi 14 noyabr kuni AQSHning Mayamisida bo'lib o'tadigan turnir kardiga kiritildi. Unda jangchilarga Jeyk Pol va Jervonta Devis murabbiylik qiladi.
"Anderson va uning jamoasi Jeyk Pol va Devisning "Tank" jangi elon qilinganidan so'ng darhol men bilan bog'lanib, ushbu tadbirda ishtirok etishni xohlashlarini, Anderson esa Kris Vaydmen bilan jang qilishni xohlashini aytishdi. Ikkala tomon ham ushbu jangni va aynan professional jangni xohlayotgani malum bo'lgach, biz ularning tarixini, turli avlodlarning kengroq auditoriyasini jalb qilish va Braziliyadagi tadbirga qiziqishni oshirish imkoniyatini hisobga olgan holda g'oyani to'liq qo'llab-quvvatladik", - dedi "Most Valuable Promotions" promouterlik kompaniyasi bosh direktori Nakisa Bidarian ESPN’ga bergan intervyusida.
Eslatib o'tamiz, 2013 yil iyul oyida Kris Vaydman Anderson Silvani ikkinchi raundda nokautga uchratib, chempionlik kamarini tortib olgandi. O'sha yilning dekabr oyida braziliyalik amerikalik bilan to'qnashuvda ikkinchi raundda oyog'ini sindirib olib, yana mag'lubiyatga uchradi.
"Kris bilan yana jang o'tkazishdan juda xursandman. Biz umumiy tarixga egamiz va 14 noyabr kuni Netflix’da jonli efirda uning yana bir bobini yozamiz. Bu muxlislar uchun tomosha bo'ladi!", - dedi Silva.
"Men boksda mag'lubiyatga uchramaganman va 14 noyabr kuni Netflix’da jonli efirda bu ananani davom ettiraman. Men o'rgimchaklarning tug'ma qotiliman", - dedi Vaydmen yangilikka izoh berib.
Aleks Pereyra: "Agar Ankalaev men qanday jarohat bilan jang qilganimni bilganida edi..."
Umar Nurmagomedov: UFC chempionligi yoki Dvalishvili bilan revansh? Men ko'proq qasos olmoqchiman
