Musobaqa 11 may kuni Toshkent shahridagi "Humo arena" majmuasida o'tkaziladi.
Turnir doirasida engil vazn toifasidagi o'zbekistonlik pop-MMA jangchisi Og'abek "Saturn" Abdumo'minov (1-0) Qozog'iston vakili, debyutant Marselen Kamate bilan to'qnash keladi. Jang asosiy karddan o'rin olgan.
Bundan tashqari, yana bir hamyurtimiz Saydatxon Nuriddinov (6-3-0) musobaqada ozarbayjonlik Emin SHarifovga (7-1-0) qarshi bahs olib boradi.
Eslatib o'tamiz, Nuriddinov fevral oyida yarim o'rta vazn chempioni Georgiy Kichigin bilan jang qilib, mag'lubiyatga uchragan edi.
SportUz.Net yaqinda pop-MMA jangchisi Og'abek "Saturn" bilan suhbat uyushtirgan edi. To'liq intervyuni tomosha qilishni maslahat beramiz:
