Oqshomning markaziy jangida yarimog'ir vazn toifasida amaldagi UFC chempioni braziliyalik Aleks Pereyra amerikalik davogar Xalil Rauntrini to'rtinchi raund yakunlanishiga 28 soniya qolgan bir paytda texnik nokautga uchratdi.
Qizig'i shundaki, uchinchi raunddan so'ng Rauntri hakamlarning hisob-kitobiga ko'ra ochkolar bo'yicha oldinda borayotgan ekan. Uchchala hakam ham birinchi va ikkinchi raundlardagi g'alabani Xalilga taqdim etgandi.