UFC'ning sobiq engil vazn toifasi chempioni Habib Nurmagomedov o‘tgan yili o‘z faoliyatini yakunlagani e’lon qilingan edi. Uning menejeri Ali Abdulazizning xabar berishicha, shu vaqt ichida Nurmagomedov uchun katta mablag‘li takliflar tushgan.
"Habib faoliyatini yakunlagach, Floyd Meyvezer bilan jang qilish uchun 100 million dollar taklif qilindi. Floyddan ham bu haqda so‘rashingiz mumkin. Habib bunga "Yo‘q, men faoliyatimni yakunladim. Onamga va’da berganman va bu va’damni buzmayman. Agar onam menga jang qilishni aytsa, jang qilaman. Ammo hozir u menga ruxsat bermadi", deya javob berdi", - deydi Abdulaziz.