Hamyurtimizning yangi ligadagi ilk jangi 4 noyabr kuni Ozarbayjonning Boku shahrida tashkil etiladigan Rizin Landmark 7 turniri doirasida bo'lib o'tadi. Hamyurtimizga o'sha kuni kamerunlik Xuares Dea (4-3-1) raqiblik qiladi.
Rizin Landmark 7 musobaqasi doirasida ozarbayjonlik taniqli jangchilar Tofiq Musaev, Narimon Abbosovlar ham oktagonga ko'tariladi.
Malumot o'rnida, Rizin ligasida o'zbekistonlik yana bir jangchi Ramazon Temirov ham jang qilib keladi. U bugungacha ushbu ligada ikki bor jang qilgan va har ikkisida muddatidan oldin g'alaba qozongan.
