Dortmundning "Borussiya" klubi Germaniya chempionatining 22-turi doirasida "Shalke" klubi mehmoni bo‘lib, 4:0 hisobida g‘alaba qozondi. Dortmundliklarning gollaridan biri yarim himoyachi Jeydon Sancho hisobiga yozildi.
Natijada, angliyalik futbolchi Bundesligada 35ta goldan iborat marrani zabt etgan eng yosh futbolchiga aylandi. Sancho bu natijani 20 yoshu 10 oy va 26 kunligida qayd etdi.
Jeydon joriy mavsumda "Borussiya" safida barcha musobaqalar doirasida 19ta o‘yinda maydonga tushib, 10ta gol urdi va 15ta golga uzatma berdi.
