23 fevral, chorshanba knui Lissabondagi "Eshtadiu da Luj" stadionida Yevropa chempionlar ligasi nimchorak final bosqichidan o‘rin olgan "Benfika" va «Ayaks» klublari o‘rtasidagi uchrashuv bo‘lib o‘tdi. Mehmonlar unda ikki marta hisobda oldinda borishgan bo‘lsa, maydon egalari yakunda muvozanatni tiklashdi.
«Ayaks» safida bahsni asosiy tarkibda boshlagan himoyachi Deyli Blind uchun mazkur o‘yin Yevropa chempionlar ligasidagi 43-uchrashuv bo‘ldi. U mazkur natija bo‘yicha amsterdamliklarning sobiq hujumchisi Yari Litmanenni ortda qoldirib, "Ayaks" safida YECHLda eng ko‘p o‘yin o‘tkazgan futbolchiga aylandi.
Litmanen 1992-1999 va 2002-2004 yillarda «Ayaks» sharafini himoya qilgan. Finlyandiyalik futbolchi niderlandlar safida yevrokuboklar doirasida 42ta o‘yin o‘tkazgan.
