«PSJ» Fransiya chempionatining 24-turidan o‘rin olgan uchrashuvda «Renn»ni mag‘lub etdi (1:0). Yagona gol 93-daqiqada hujumchi Kilian Mbappe tomonidan kiritildi. Anri uslubida urilgan gol 23 yoshli futbolchi uchun Liga 1dagi 119-gol bo‘ldi.
U Yevropaning top-5 chempionatlarida 24 yoshgacha bo‘lgan futbolchilar orasida 21-asrning eng yaxshi to‘purari sifatida jamoadoshi Lionel Messiga tenglashdi. Mbappe dekabr oyida 24 yoshga to‘ladi. Mbappe Liga 1da hozirgi futbolchilar orasida eng yaxshi to‘purar hisoblanadi.
