Musobaqada -69 kg vazn toifasida yurtimiz sharafini himoya qilayotgan Bobousmon Baturov bugun ikkinchi jangini o'tkazdi. Ushbu bahsda hamyurtimizga armanistonlik Gurgen Modoyan raqiblik qildi.
Jang to'liq davom etdi va unda hamyurtimiz 5:0 hisobida g'alabaga erishdi. Qayd etish lozimki, bokschimiz ikkinchi raundda raqibini ringga qulatib, nokadaun holatiga ham tushirdi.
Eslatib o'tamiz, bugun kun davomida yana bir necha bokschimiz jang qiladi.
