Xorazmlik charm qo'lqop ustamiz mart oyida birinchi o'rta vazn toifasidagi WBA chempionlik kamarini qo'lga kiritdi. Madrimov reytingning ikkinchi pog'onasida borayotgan rossiyalik Magomed Kurbanov (25-1, 13 KO)ni beshinchi raundda texnik nokautga uchratib, raqibiga faoliyatidagi ilk mag'lubiyatni taqdim etdi.
Aprel oyining oxirlarida Isroil Madrimovning uchta vaznda jahon chempioni, vazn toifasidan qati nazar dunyoning eng kuchli bokschilaridan biri Terens Krouford (40-0, 31 KO)ga qarshi jangi elon qilindi.
4 avgust kuni Los-Anjelesda bo'lib o'tgan 12 raundlik jangda tajribali Krouford hakamlar qaroriga (116-112, 115-113, 115-113) ko'ra bahsli g'alabani qo'lga kiritdi. Ko'pchilik bokschilar va ekspertlarning fikricha, jangda Madrimov g'alaba qozongan edi.
Isroil Madrimovning murabbiylari Terensga qarshi o'tkazilgan jangdan qoniqish hosil qilishdi. Faoliyatidagi ilk mag'lubiyatga qaramay, bokschimiz The Ring reytingida uchinchi pog'onadan ikkinchi o'ringa ko'tarilib oldi.
Eslatib o'tamiz, Isroil Madrimov navbatdagi jangini 22 fevral kuni Ar-Riyod (Saudiya Arabistoni) shahrida tashkil etiladigan prof boks oqshomi doirasida super yarimo'rta vazn toifasida WBC Interim kamari sohibi, amerikalik Verjil Ortisga qarshi o'tkazadi.
