SportUz.Net
photo photo

Teofimo Lopes "Top Rank" bilan kelishuvni bekor qilmoqchi

16.02.2021 14:20    


Rasmni yuklab olish

Engil vazn toifasida jahon chempioni Teofimo Lopes (16-0, 12 KO) agar unga katta pul to'lamoqchi bo'lmasa, "Top Rank" promouterlik kompaniyasidan ketishga tayyorligini aytdi.

"Hozir men hamkorlik qilayotgan ESPN va "Top Rank" kompaniyalarini yaxshi ko'raman. Ammo bu biznes. Hamma narsa shu bilan bog'liq, bu shaxsiy narsa emas. Agar biz kelisha olmasak, unda men bor qobiliyatimni ishga solib harakat qilaman.

Qarshingizda dunyodagi eng yaxshi jangchi turibdi. Sizning sevimli jangchingiz - Teofimoman. Bu o'z izini qoldiradi va buni hamma tushunishi kerak. Men kimligimni isbotladim. Men divizionning eng yaxshi bokschisiman. SHon-sharaf qozonish uchun shu erdaman, oldinga borishni xohlayman. Aytganimdek, agar siz shartlarimni qabul qilishni istamasangiz, unda biz boshqa joyga boramiz", - dedi Lopes.

Eslatib o'tamiz, Teofimo Lopes Jorj Kambososga qarshi jang uchun o'z promouterlari bilan badal miqdori bo'yicha kelisha olmagandi. SHu sababli "Top Rank" promouterlik savdosini tashkil etishga qaror qilgandi.



Futbol yangiliklari || Futbol habarlari || Футбол янгиликлари || Футбол хабарлари
Дўстларга юборинг: