«Liverpul» hujumchisi Muhammad Saloh Angliya chempionatining 17-turi doirasida bo‘lib o‘tgan «Nyukasl»ga qarshi o‘yinda (3:1) bitta gol muallifiga aylandi.
Misrlik futbolchi APL doirasidagi ketma-ket 15ta o‘yinda buyon samarali harakatni amalga oshirib kelmoqda: u yo gol urmoqda, yoki assistentlik qilmoqda, yoxud har ikkisini amalga oshirmoqda. Saloh ushbu ko‘rsatkich bo‘yicha «Lester» forvardi Jeymi Vardining seriyasini takrorladi.
29 yoshli futbolchi bu o‘yinlarda 14 gol va 7 assist muallifi bo‘ldi. Salohning «Liverpul» bilan shartnomasi 2023 yilning yoziga qadar tuzilgan.
