«Atletiko» hujumchisi Luis Suares Ispaniya chempionatining 6-turidan o‘rin olgan «Xetafe»ga qarshi o‘yinda (2:1) 2ta gol muallifiga aylandi.
Urugvaylik futbolchi dastlabki golni 87-daqiqada urdi. Bu esa unga Krishtianu Ronaldu va Zlatan Ibrahimovichning natijasini takrorlash imkonini berdi.
Suares o‘ynayotgan futbolchilar orasida faoliyati davomida uchrashuvning har bir daqiqasida gol urgan uchinchi o‘yinchiga aylandi.
«Atletiko» forvardi hisobida 1-daqiqadan 97-daqiqagacha bo‘lgan har bir vaqtda kamida bittadan gol mavjud.
