«Los-Anjeles» hujumchisi Karlos Vela MLS'da eng ko‘p maosh oluvchi futbolchi ekani ma’lum bo‘ldi. Meksikalik futbolchining yillik maoshi 6,3 mln. dollarga teng.
Ro‘yxatning ikkinchi pog‘onasini «Los-Anjeles Gelaksi» forvardi Xavyer Ernandes band etdi — 6 mln. dollar. «Inter Mayami» hujumchisi Gonsalo Iguain kuchli uchlikka kirdi — 5,79 mln. dollar.
Vela MLS muntazam chempionatining joriy mavsumida bor-yo‘g‘i 7ta o‘yinda maydonga tushib, 4ta gol urdi. U «Los-Anjeles» safida umumiy hisobda 81ta o‘yin o‘tkazib, 62ta gol va 25ta assist muallifiga aylangan. 32 yoshli futbolchining o‘z klubi bilan shartnomasi 2021 yil oxirida yakunlanadi.
