«Barselona» 17 aprel, shanba kuni Ispaniya kubogi finalida Bilbaoning «Atletik» klubi ustidan 4:0 hisobida g‘alaba qozondi.
Kataloniyaliklar sardori Lionel Messi mazkur o‘yinda 2ta gol muallifiga aylandi. Shu tariqa, argentinalik futbolchining Ispaniya qirollik kubogi finalidagi gollari soni 9taga yetdi (10ta o‘yinda). Ushbu ko‘rsatkich bo‘yicha u «Atletik» afsonasi Telmo Sarrani ortda qoldirdi (8 gol).
