SportUz.Net
logo

Bokschi yigitlarimiz "Stranja-2021" turnirida umumjamoa hisobida birinchi bo'lishdi

27.02.2021 23:20    


Rasmni yuklab olish

22 fevral kuni Bolgariya poytaxti Sofiya shahrida start olgan ananaviy "Stranja" xalqaro turniri bugun, 27 fevral kuni o'z yakuniga etdi.

Bahslarda jahonning 30 ga yaqin mamlakatidan bokschilar sovrinli o'rinlar uchun kurash olib borishdi. Xabar berganimizdek, ushbu musobaqada O'zbekiston terma jamoasi vakillari ham ishtirok etishdi. 

Bugun nihoyasiga etgan musobaqa yakunlariga ko'ra, O'zbekiston erkaklar terma jamoasi 3 ta oltin, 2 ta bronza medalini qo'lga kiritgan holda, erkaklar o'rtasida umumjamoa hisobida birinchi o'rinni egallashdi. Ikkinchi o'rinni mezbon Bolgariya egallagan bo'lsa, Ukraina terma jamoasi kuchli uchlikka yakun yasadi. 

Terma jamoamiz safida quyidagi bokschilarimiz yurtimizga medal bilan qaytadigan bo'lishdi:

Oltin: 

-69 kg: Bobousmon Boturov

-81 kg: Dilshodbek Ro'zmetov

+91 kg: Bahodir Jalolov


Bronza: 

-52 kg: SHahobiddin Zoirov

-63 kg: Asadxo'ja Mo'ydinxo'jaev.

Qizlarimizdan -69 kg vaznli Navbahor Hamidova bronza medaliga sazovor bo'ldi. 

O'zbekiston boks federaciyasi matbuot xizmati



Futbol yangiliklari || Futbol habarlari || Футбол янгиликлари || Футбол хабарлари
Дўстларга юборинг: