Niderlandiyalik mutaxassisning so'zlariga ko'ra, unga Renening ko'rinishi yoqmagan va bu qaror salomatlikni himoya qilish hamda uni kelajakdagi hayoti va faoliyati uchun saqlab qolish maqsadida qabul qilingan.
"Odatda men bu erda shaxsiy narsalarimni baham ko'rmayman, lekin bizni qo'llab-quvvatlaydiganlarning barchasiga ozgina tushuntirish berishim kerakligini his qildim. Avvalo, bizga ko'rsatilayotgan yordam uchun tashakkur. Bu yil aql bovar qilmaydigan va juda sermazmun bo'ldi.
Afsuski, kechagi oqshom biz kutgandek bo'lmadi. Birinchi raunddagi juda kuchli startdan keyin hammasi tezda yomonlasha boshladi va biz ikkinchi raunddagi zarbalardan keyin to'liq tiklana olmadik. Men to'rtinchi raunddan keyin jangni to'xtatishga qaror qildim. Bu qaror uchun to'liq javobgarlikni o'z zimmamga olaman - va bu men uchun o'sha paytda to'g'ri qadam edi. Bu men hech qachon qabul qilmoqchi bo'lgan qaror emas, lekin bazida biz buni qilishga majbur bo'lamiz.
Mening vazifam murabbiylik bilan birga jangchining sog'lig'ini nazorat qilish. Men Rene bilan uning deyarli butun faoliyati davomida aralashishga majbur bo'lgan juda ko'p xavotirli belgilarni ko'rdim. Agar men hech narsa qilmaganimda, u jangni davom ettirardi. Ortiqcha jarohatlar bilan tavakkal qilish o'rniga, men bu kunni tugatib, iloji boricha ko'proq sog'liqni saqlab, uyga qaytishni afzal bildim.
Agar bu inson salomatligiga zarar etkazsa, kim nima deb o'ylashining menga umuman farqi yo'q. "Qattiqqo'l bo'lish" va sog'lig'ingiz haqida qayg'urish o'rtasida nozik chegara bor. Bu sport shafqatsiz bo'lishi mumkin. Bu bolalar o'z hayotlarining katta qismini qafasda va undan tashqarida qurbon qilishadi. Agar undan qochish mumkin bo'lsa, ortiqcha zarar ko'rishdan mano yo'q. Ko'pchilik o'zining ham inson ekanligini unutib qo'yadi.
Biz bu mag'lubiyat uchun bahona qidirmayapmiz - biz nimaga borayotganimizni bilardik. Biz bu chiqishdan qoniqmayapmiz, lekin hozir eng muhimi - tiklanish, tahlil qilish va keyingi yilda qaytish. Umuman olganda, bu yil ajoyib bo'ldi va men hayotdagi barcha past-balandliklar uchun minnatdorman", - deb yozdi Ozkan ijtimoiy tarmoqdagi sahifasida.
Boks bo'yicha joriy yilgi O'zbekiston chempionati qachon va qaerda o'tkazilishi elon qilindi
