Buxoroda tavallud topgan, bugungi kunda Ozarbayjon terma jamoasi safida musobaqalarda ishtirok etayotgan -75 kg vaznli Saidjamshid Jafarov kecha JCHdagi ikkinchi jangini yaponiyalik Daigo Sunagaga qarshi o'tkazdi va 5:0 hisobida g'alaba qozondi.
Bu g'alaba orqali Saidjamshid Jafarov chorak finalga yo'l oldi. Endi u 10 sentyabr kuni yarim final yo'llanmasi uchun ukrainalik Pavlo Ilyushaga qarshi ringga ko'tariladi.
Ushbu vaznda musobaqada O'zbekiston sharafini Fazliddin Erkinboev himoya qilmoqda. Fazliddin va Saidjamshid chorak finaldagi janglarda g'alabaga kelishsa, yarim finalda o'zaro to'qnash keladi.
