Tashkilotchilar tomonidan 12 iyul kuni AQSHning Tennesi shtati Neshvill shahrida bo'lib o'tadigan navbatdagi UFC turnirining markaziy jangi elon qilindi. Oqshomning asosiy jangi og'ir vazn toifasida UFC chempionlik kamari uchun sobiq davogar Derrik Lyuis ishtirokida o'tkaziladi. Amerikalik 40 yoshli aralash yakkakurash ustasi mag'lubiyat nimaligini bilmay kelayotgan braziliyalik Tallison Teysheyraga qarshi oktagonga chiqadi.
Malumot uchun, Derrik Lyuis so'nggi jangini 2024 yilning may oyida Rodrigo Nasimentoga qarshi o'tkazib, raqibini uchinchi raundda texnik nokautga uchratdi. "Qora vahshiy" bundan avvalgi jangida Jailton Almeydaga imkoniyatni boy bergan edi.
Braziliyalik 25 yoshli Tallison Teysheyra o'tgan yili Contender Series saralash turniridagi g'alabasi evaziga UFC shartnomasini qo'lga kiritgandi. Fevral oyida dunyoning eng kuchli Ligasida muvaffaqiyatli debyut qildi. U Jastin Tafani 35 soniyada nokautga uchratdi.
Ayni paytda Derrik Lyuis UFC og'ir vazn toifasi reytigida 9-o'rinni egallab turibdi. Teysheyra esa bitta g'alabasi evaziga 14-pog'onaga ko'tarilib oldi.
Kardida ikki chempionlik jangi bo'lgan UFC 315 turnirining rasmiy posteri elon qilindi (FOTO)