Musobaqaning uchinchi kuni 4 nafar bokschimiz navbatdagi bosqich janglarida ringga chiqishdi. Jahon chempioni Mirazizbek Mirzaxalilov polshalik Nikolas Pavlikni 5:0 hisobida mag'lubiyatga uchratdi. Javohir Ummataliev amerikalik Robbi Gonsalesdan ustun keldi - 3:2.
Afsuski, murosasiz kechgan jangda Parij-2024 Olimpiadasi chempioni Asadxo'ja Mo'ydinxo'jaev mezbon bokschi Yuri Reysga 2:3 hisobida imkoniyatni boy berib qo'ydi. Yana bir tajribali charm qo'lqop ustamiz Iqboljon Xoldarov ham bu bosqichda angliyalik Odel Kamaraga yutqazib (0:5) qo'ydi.
Bokschilarimiz ishtirokidagi janglar:
-55 kg: Mirazizbek Mirzaxalilov - Nikolas Pavlik (Polsha) 5:0
-70 kg: Iqboljon Xoldarov - Odel Kamara (Angliya) 0:5
-65 kg: Asadxo'ja Mo'ydinxo'jaev - Yuri Reys (Braziliya) 2:3
-80 kg: Javohir Ummataliev - Robbi Gonsales (AQSH) 3:2
