Ramzan Qodirovning 13 yoshli o'g'li nohaq g'alabadan so'ng "Instagram"da muxlislar hujumiga uchradi

19.04.2021 17:40

CHecheniston Respublikasi rahbari Ramzan Kadirovning 13 yoshli o'g'li Adam Kadirov boks musobaqasida baxsli tarzda g'alabaga erishgandan so'ng uning "Instagram" sahifasi muxlislar hujumiga uchradi.

Jumladan muxlislar quyidagi fikrlarni yozishdi:

"Battirov bilan sahnalashtirilgan bahsda ajoyib jang qilding. Uyalmayapsanmi?"

"Bunday jangdan so'ng kimsan endi?"

"Ajoyib jang. Sen oxirigacha chidading va oxiri tagingni bulg'ab qo'yding! Otangga rahmat ayt"

"Eng sharmandali mag'lubiyat. Bunday g'alabadan ko'ra, mag'lubiyat yaxshiroq"

Eslatib o'tamiz, ushbu jangning ikkinchi raundida ikkala bokschi zarbalar seriyasini almashayotgan payt referi kutilmaganda ko'k burchakdagi bokschiga nisbatan hisobni ochdi, aslida esa hech kim nokdaunga uchramagandi. Aksincha, Ramzan Qodirovning o'g'li bir necha kuchli zarbalarni o'tkazib yuborgandi. Keyin esa, ko'k burchakdagi bokschining murabbiylari oq sochiqni uloqtirishdi.