"Sevilya" hujumchisi Yusuf en-Nesiriy Ispaniya chempionatining yanvar oyidagi eng yaxshi futbolchisi deb topildi.
Marokashlik futbolchi o‘tgan oyda La liga doirasida 6ta o‘yinda maydonga tushib, 7ta gol urishga muvaffaq bo‘ldi. En-Nesiriy "Real Sosyedad" (3:2) va "Kadis" (3:0)ga qarshi uchrashuvlarda "xet-trik"ka erishgan bo‘lsa, "Alaves"ga qarshi o‘yinda (2:1) bitta gol muallifiga aylandi.
23 yoshli En-Nesiriy joriy mavsumda "Sevilya" tarkibida barcha musobaqalar doirasida 31ta uchrashuv o‘tkazib, 17ta golga mualliflik qildi. Uning andalusiyaliklar bilan shartnomasi 2025 yilning yoziga qadar tuzilgan.
Ien Garri: "Agar Maxachev yarim o'rta vaznda titul jangini xohlasa, qolganlar kutib turishadi"