«Arsenal» hujumkor yarim himoyachisi Bukayo Saka Yevropa Ligasi chorak final javob bahslari yakuni bo‘yicha haftaning eng yaxshi o‘yinchisi deb topildi.
Angliyalik futbolchi 15 aprel kuni «Slaviya»ga qarshi kechgan uchrashuvda (4:0) bitta gol urdi. Shuningdek, Saka ijrosidagi uzatmalarning 79 foizi aniq chiqdi.
Ushbu sovrin uchun yana quyidagi futbolchilar kurash olib borgandi:
Edin Jeko («Roma») — «Ayaks»ga qarshi bahsda (1:1) gol;
Xerar Moreno («Vilyarreal») — «Dinamo Zagreb»ga qarshi uchrashuvda (2:1) gol;
Aaron Uan-Bissaka («Manchester Yunayted») — «Granada»ga qarshi bellashuvda (2:0) 91% uzatmalar aniqligi.
Shuningdek, UYEFA Yevropa Ligasining hafta ramziy terma jamoasini ham e’lon qildi. Undan «Arsenal»ning besh nafar, «Manchester Yunayted»ning esa to‘rt nafar o‘yinchisi joy oldi.
Darvozabon: David de Xea («Manchester Yunayted»);
Himoyachilar: Aleks Telles, Aksel Tuanzebe, Aaron Uan-Bissaka (barchasi «Manchester Yunayted»), Kalum Chembers («Arsenal»);
Yarim himoyachilar: Bukayo Saka, Emil Smit Rou, Nikolya Pepe (barchasi «Arsenal»);
Hujumchilar: Aleksander Lyakazett («Arsenal»), Edin Jeko («Roma»), Xerar Moreno («Vilyarreal»).
Bugun Konor Makgregorning sparring sherigi Bahromjon Ro'ziev Qozog'istonda jang qiladi
Rasman. UFC Nursulton Ro'ziboevning Xoakin Bakliga qarshi jangini tasdiqladi + POSTER