«Tottenxem» hujumchisi Xarri Keyn Angliya chempionatining 18-turidan o‘rin olgan «Aston Villa»ga qarshi o‘yinda (2:0) penaltidan gol urdi.
Ushbu gol angliyalik forvard uchun APLning joriy mavsumidagi 17-gol bo‘ldi. Ushbu ko‘rsatkich bo‘yicha u «Liverpul» hujumchisi MUhammad Saloh bilan birgalikda peshqadam bo‘lib turibdi.
Bundan tashqari, Xarri APLning ushbu mavsumida 13ta golga assistentlik qildi. Natijada futbolchining «gol+pas» tizimi bo‘yicha ochkolari 30taga yetdi. Bu APLning eng yaxshi natijasi hisoblanadi.
Yevropaning top-5 chempionatlarida mazkur ko‘rsatkich bo‘yicha «Bavariya» forvardi Robert Levandovski yetakchi hisoblanadi — 41 (35+6). Xarri Keyn esa ikkinchi pog‘onada.
