«Bayer» joriy mavsum boshidan buyon hali biror marta mag‘lub bo‘lmadi. Xabi Alonso jamoasi bugun safarda «Ayntraxt» klubi mehmoni bo‘lib, 5:1 hisobida g‘alaba qozondi.
Bundesliga jadvalida leverkuzenliklar hisobidagi ochkolar soni 84 taga yetdi.
«Bayer»ning mag‘lubiyatsiz seriyasi 48 ta o‘yinga yetdi — 40 g‘alaba va 8 durang. Bu Yevropa top-5 chempionatlari rekordi hisoblanadi.
Klub 9 may kuni Yevropa ligasi yarim final bosqichi javob o‘yini doirasida "Roma"ga qarshi maydonga tushadi.