«Liverpul» hujumchisi Muhammad Saloh Angliya chempionatining 12-turi doirasida bo‘lib o‘tgan «Brentford»ga qarshi o‘yinda (3:0) ikkita gol muallifiga aylandi.
Misrlik futbolchining Angliya klublari tarkibida urgan gollari soni 200 taga yetdi. 31 yoshli futbolchi «Liverpul» safida 198 ta gol urgan bo‘lsa, «Chelsi» formasida 2 gol muallifiga aylangan.
Saloh mersisaydliklar tarkibida barcha musobaqalar doirasida 322ta o‘yinda maydonga tushib, APL doirasida 147 gol, yevrokuboklar doirasida 44 gol, Angliya kubogida 5 gol, Angliya liga kubogida va Angliya superkubogidan bittadan gol urgan. Muhammad «Chelsi» safidagi har ikki to‘pini APL bahsida kiritgan.
Salohga eng ko‘p golli uzatmani Roberto Firmino bergan (22 ta).
