«Roma» hujumchisi Edin Jeko Yevropa ligasi musobaqasining 1/16 final bosqichi doirasida «Braga»ga qarshi o‘yinda bitta gol muallifiga aylandi.
34 yoshli futbolchi uchun mazkur gol "bo‘rilar" futbolkasida yevrokuboklar doirasida urgan 29-goli bo‘ldi. Bosniyalik futbolchi ushbu ko‘rsatkich bo‘yicha "Roma" afsonasi Franchesko Tottini ortda qoldirdi va 1-o‘ringa ko‘tarilib oldi.
Jeko 2016 yildan buyon «Roma» sharafini himoya qiladi. Joriy mavsumda u 24ta uchrashuvda maydonga tushib, 9ta gol va 2ta assist muallifiga aylandi.
