SportUz.Net
photo photo

Ryudigerning boshiga 20 ta chok tushdi

12.10.2022 16:25    


Rasmni yuklab olish

"Real"ni "SHaxtyor"ga qarshi o'yinda mag'lubiyatdan saqlab qolish Antonio Ryudigerga qimmatga tushdi.

Germaniyalik himoyachi CHempionlar Ligasi guruh bosqichi 4-turida Ukrainaning "SHaxtyor"iga qarshi bahsning 95-daqiqasida boshi bilan darvozani ishg'ol qildi va hisobni tenglashtirdi. 

SHu tariqa, Madrid klubi nimchorak final yo'llanmasini qo'lga kiritdi. Biroq buning badali og'ir bo'ldi. Ryudiger boshi bilan zarba bergandan so'ng to'p yo'liga otilib chiqqan raqib darvozaboni Trubin bilan jiddiy to'qnashib ketdi. Natijada ikki futbolchi ham zarar ko'rdi. Ryudigerning boshidan ko'p qon oqdi. Keyinroq ochiqlanishicha, futbolchining boshiga ushbu jarohat tufayli 20 ta chok tushgan. 

"Qirollik klubi" 4 tur ortda qolganida 10 ochko bilan "F" guruhida peshqadamlik qilmoqda. Jamoa eng yaqin taqibchisi "Leypcig"dan 4 ochko ko'proq jamg'argan.



Futbol yangiliklari || Futbol habarlari || Футбол янгиликлари || Футбол хабарлари
Дўстларга юборинг: