"Manchester Yunayted" ketma-ket ettinchi marta Angliya kubogi chorak finaliga chiqdi

10.02.2021 08:23

"Manchester Yunayted" Angliya kubogi 1/8 finali doirasida "Vest Xem"ni mag'lubiyatga uchratdi.

Bu orqali "qizil iblislar" ketma-ket 7-marta Angliya kubogi chorak finaliga chiqishdi. Jamoa so'nggi marotaba 2013/14 yilgi mavsumda uchinchi bosqichda "Suonsi"ga yutqazib qo'yib, chorak final yo'llanmasini hal qila olmagandi.

Bu etti yil ichida klub ikki marta finalga chiqdi va bir marta ushbu turnir g'olibiga aylandi.

Manchester Yunayted – Vest Xem 1:0

Gol: Maktomini (98, 1:0).

Manchester Yunayted – Xenderson, Lindelef, Uan-Bissaka (SHou, 91), Telles (Uilyams, 91), Maguayr, Matich (Maktomini, 74), Fred, van de Bek (Fernandesh, 74), Marsyal, Grinvud (Kavani, 86), Reshford.

Vest Xem – Fabianski, Coufal, Douson, Kressuell, Ogbonna (Diop, 16; Frederiks, 46), Nobl, Souchek, Bouen (Jonson, 46), Rays, Yarmolenko (Odubeko, 54; Lansini, 112), Fornals.