SportUz.Net
photo photo

JCH-2022 saralash bosqichi. Ukrainalik tomonidan urilgan yagona gol Uelsni Jahon chempionatiga olib chiqdi

05.06.2022 23:25    


Rasmni yuklab olish

JCH-2022 Evropa mintaqasi saralash bosqichining pley-off o'yini hisoblangan Uels – Ukraina uchrashuvi yakunlandi.

Eslatib o'tamiz, Ukrainadagi notinch vaziyat sabab terma jamoa ishtirokidagi uchrashuvlar keyinroqqa qoldirilgandi. Pley-off yarim finalida ukrainlar SHotlandiyani 3:1 hisobida mag'lubiyatga uchratdi. Hal qiluvchi bahsda esa ularga Garet Beyl etakchiligidagi Uels terma jamoasi ro'baro keldi. Uchrashuvning 34-daqiqasida qanotdan oshirilgan to'pni Yarmolenko o'z darvozasiga joylab qo'ydi. O'yinda hisob boshqa o'zgarmadi. Yakunda uelsliklar zafar quchib, Qatarda o'tkaziladigan mundial yo'llanmasini qo'lga kiritdi.

Uels terma jamoasi quraga ko'ra, "B" guruhida Angliya, Eron va AQSH terma jamoalari bilan kuch sinashadi.

Uels – Ukraina 1:0

Gol: 1:0 – 34, avtogol Yarmolenko.

Uels – Xennessi, Roberts, Devis, Rodon, Ampadu, Uilyams (Norrington-Devis, 90), Remzi, Allen, Beyl (Uilson, 83), Mur, Djeyms (Djonson, 71).

Ukraina – Bushhan, Karavaev, Matvienko, Zabarnyy, Mikolenko, Yarmolenko, Cygankov (Mudrik, 77), Stepanenko (Sidorchuk, 70), Malinovskiy (SHaparenko, 70), Zinchenko, Yaremchuk (Dovbik, 77).

Ogohlantirishlar: Allen (2), Djeyms (3), Mikolenko (32), Mudrik (90).




Futbol yangiliklari || Futbol habarlari || Футбол янгиликлари || Футбол хабарлари
Дўстларга юборинг: