SportUz.Net
photo photo

Bektemir va Elnurning jangiga oz qolmoqda. O'zbekistonlik murabbiy va bokschilarimiz janglar haqida qanday fikrda?

12.02.2021 11:20    


Rasmni yuklab olish

Xabaringiz bor, 13 fevral (Bizning vaqt bilan 14 fevral tongi) kuni ikki nafar bokschimiz Bektemir Meliqo'ziev (Morgan Fitch) va Elnur Abduraimov (Deivi Julio) professional boksda navbatdagi jangini o'tkazishadi.

SportUz.Net sayti muhbiri boks bo'yicha terma jamoa murabbiyi, taniqli charm qo'lqop ustalarimiz hamyurtlarimizning jangi haqida qanday fikrda ekanligiga qiziqdik. 


Farruh Qilichev - boks bo'yicha terma jamoa murabbiyi: “Bektemir haqida gapiradigan bo'lsak - u hozir juda yaxshi sport formasida, buni ijtimoiy tarmoqlarga joylashtirayotgan mashg'ulot jarayonlaridan ham bilsak bo'ladi. Murabbiy sifatida Meliqo'ziev eng yuqori sport formasiga chiqqan desam ham adashmagan bo'laman. Jangda yaqqol ustunlik qiladi, 2-raund, uzog'i bilan 4-raundda raqibini nokautga uchratadi. 

Elnur haqida ham yuqoridagi fikrlarni bildirishim mumkin. Uni ham mashg'ulotlarini internet orqali kuzatib boryapmiz. U ham 4-raundda jangni o'z foydasiga hal qiladi. In SHaa Alloh, har ikki bokschimiz nokaut bilan g'alaba qozonadi”.


Odiljon Aslanov - terma jamoa azosi: “Biz O'zbekiston bokschilariga raqib kimligining ahamiyati yo'q. CHunki bizni doimo duo qilib, qo'llab-quvvatlaydigan xalqimiz bor. Biz vakillarimizga ishonamiz, duo qilamiz, ularga muxlislik qilamiz. Nasib qilsa, ular albatta g'alaba bilan bizni xursand qiladilar”.


Qudratillo Abduqahhorov - professional bokschi: “Elnur ham Bektemir ham nokaut bilan g'alaba qozonadi. Men bunga ishonaman. CHunki ular chapaqay. CHapaqaylarda raqibning jigar qismiga urish juda qulay. Bu bokschilarimizning eng katta ustun jihati hisoblanadi”.


Iqboljon Xoldorov - terma jamoa azosi: “To'g'risini aytsam, Bektemir va Elnur akani raqiblarini u qadar yaxshi bilmayman. SHuning uchun aniq biror gap aytolmayman. Ular jangga yaxshi tayyorgarlik ko'rishdi. Har ikki bokschimiz o'z foydalariga jangni muddatidan oldin yakunlashadi”.


Bobousmon Baturov - terma jamoa azosi: "Katta ehtimol bilan hamyurtlarimiz jangni oxiriga etkazmay g'alabaga erishadilar. Yana ham bu - boks. Bitta zarba hammasini hal qilib qo'yishi mumkin. Jangni Bektemir 1 yoki 2-raund, Elnur esa 3-4-raundgacha olib borishadi deb o'ylayman”.


Rustam To'laganov - professional bokschi:  "Har ikki bokschimizning shu paytgacha bo'lgan faoliyatiga qaraydigan bo'lsak, janglar 5-raundgacha ham bormasa kerak deb o'ylayman. CHunki bizning bokschilar yosh va juda kuchli. Raqiblarining imkoniyatlariga katta baho bermagan bo'lardim".

Sarvinoz Raxmonqulova tayyorladi



Futbol yangiliklari || Futbol habarlari || Футбол янгиликлари || Футбол хабарлари
Дўстларга юборинг: