Britaniyalik promouterning so'zlariga ko'ra, agar Joshua mag'lubiyatga uchrasa, bu nafaqat Entoni, balki butun jamoa va professional boks olami uchun sharmandali holat bo'ladi.
"Pol 90,7 kg vazn toifasida dunyoning eng yaxshi 50 bokschisi qatoriga kiradi. Hozirda u ushbu toifada to'liq professional hisoblanadi. Ammo men uni jahon darajasidagi jangchi deb hisoblamayman va bu diviziondagi elitaga tegishli bo'lmagan kimdir og'ir vaznga o'tib, Entoni Joshuani mag'lub etishi mumkin deb o'ylamayman. Balki adashayotgandirman. Agar adashayotgan bo'lsam, mening vaqtim tugadi, deb hisoblayman. Nafaqat Ey Jey va men nafaqaga chiqishimiz kerak, menimcha, hammamiz tatilga chiqishimiz shart bo'ladi. Xullas, Ey Jey, boksning og'irligi sening elkangda, do'stim.
Entonining bu erda qolishga qiziqishi yo'q. Agar Jeyk Pol ozgina agressiya ko'rsatsa, jang yakunlanadi. Aks holda, uni nokautga uchratmagunlaricha uraverishadi. Ikki raund - Entoni Joshua uchun adolatli, degan bo'lardim. Agar Ey Jey uni ikki raundda ringdan chiqarib yubormagasa, hafsalam pir bo'lardi", - deya Xirnning so'zlarini keltiradi Daily Express.
Eslatib o'tamiz, Joshua va Pol o'rtasidagi jang 20 dekabr kuni AQSHning Mayami shahrida Netflix ko'magida bo'lib o'tadi.
UFC rasmiy akkaunti Xollouey - Oliveyra jangini elon qildi va birozdan so'ng postni o'chirdi + FOTO
"Ular Meksika yoki Braziliyadan chempion chiqishini istashmoqda" - sobiq chempion UFC haqida
