Musobaqada super engil vazn toifasidagi bellashuvlarda bahs olib borayotgan hamyurtimiz Mujibillo Tursunov o'zining navbatdagi jangini o'tkazdi.
Meksika vakili Mishael Kabreraga qarshi kechgan bellashuv to'liq 6 raund davom etdi. Yakunda Tursunov hakamlarning yakdil qarori bilan (58:55, 57:56, 57:56) zafar quchdi.
Bu g'alaba orqali Mujibillo turnirning yarim final bosqichiga yo'l oldi. U endi keyingi jangini oktyabr oyida o'tkazadi.