Bokschimiz 5 iyul kuni Rossiyalik Ekaterinburg shahrida RCC Boxing Promotions kompaniyasi tomonidan tashkil etiladigan prof boks oqshomida argentinalik Rodrigo Ruizga qarshi jang o'tkazadi. G'alaba qozonadigan bokschi ikkinchi eng engil vazn (55,3 kg) toifasi WBA reytingida ikkinchi o'ringa ko'tarilib oladi.
Muhammad SHexov (16-0-1, 4 KOs)ning raqibi Rodrigo Fabian Ruiz (22-0, 16 KOs) prof faoliyati davomida hali mag'lubiyat va durang qayd etmagan. G'alabali yakunlangan 22 ta jangining 16 tasini muddatidan avval o'z foydasiga hal qilgan. Dmitriy Bivolni do'sti va jamoadoshi bo'lgan SHexov ham hali mag'lubiyatga uchramagan. U WBO va WBA yo'nalishlari reytingida Top-10`talikda bormoqda.
SHuningdek, Muhammad IBF Inter-Continental kamari sohibi ham hisoblanadi. Bu kamarni u o'tgan yilning sentyabr oyida CHelyabinsk shahrida o'tgan RCC Boxing Promotions shousi doirasida qo'lga kiritgandi. Yaqinda Vengriya poytaxti Budapesht shahrida o'tgan boks turnirida esa lotinamerikalik davogar Orlando Moralesni mag'lubiyatga uchratgan edi.
Qizig'i, bu vaznda Murodjon Ahmadaliev mutlaq jahon chempionligi uchun harakat qilmoqda va bu orzusiga 14 sentyabr kuni erishishi mumkin. Argentinalik Rodrigo Fabian Ruiz WBA va IBF yo'nalishlari reytingida Top-15`dan joy olgan. Ruiz 10 marotaba Janubiy Amerika qitasi chempionligini himoya qilgan.
"Va-bankka boraman". Topuriya Oliveyrani qanday qilib finish qilmoqchi ekanligini aytdi
TUF 33 shousida Furqatbek Yoqubovni mag'lub etgan Alibi Idris hamyurtimizga murojaat qildi + VIDEO
Topuriya Oliveyrani birinchi raundda nokaut qilmoqchi bo'lmoqda. CHarlz esa bunga munosabat bildirdi
Umar Kremlyov: "IBA'ning strategik maqsadi Rossiyani dunyo boks maydoniga aylantirish"