Hamyurtimiz Qozog'istonning Astana shahrida bo'lib o'tayotgan boks oqshomi doirasida ukrainalik Igor SHevazuckiyga qarshi ringga ko'tarildi.
10 raund etib belgilangan jang to'liq davom etdi va yakunda Jalolov ochkolar hisobiga ko'ra g'alaba qozondi.
Bahsning uchini raundi davomida Bahodir raqibini nokdaun holatiga solib qo'ydi.
Musobaqa Jalolov hamkorlik qiladigan Top Rank promouterlik kompaniyasi tomonidan tashkil etilmoqda.
Bugungi jangdagi muvaffaqiyat orqali 30 yoshli Bahodirning g'alabalari soni 15 taga etdi. Avvalgi g'alabalarning barchasi muddatidan oldin qo'lga kiritilgandi. Sportchining hisobida hozircha birorta mag'lubiyat yoki durang mavjud emas.
34 yashar SHevazuckiyning prof rekordi esa bugungi bahsdan keyin 12-3 ko'rinishiga keldi.
Qayd etish joiz, Igor har ikki mag'lubiyatini faoliyatida to'qnash kelgan eng tajribali raqiblaridan qabul qilib olgan. U 2023 yil aprel oyida Polshada tashkil etilgan boks oqshomi doirasida WBO sobiq chempioni, kongolik Martin Bakolega texnik nokaut orqali mag'lub bo'ladi.
