Qita chempionatida -75 kg vazn toifasida yurtimiz sharafini himoya qilayotgan Javohir Ummataliev chorak final jangida tailandlik Virapon Jongjohoni musobaqadan chiqarib yuborgandi.
Bu safar u Xitoy Taypeyi bokschisi CHeng-En Liuga hech qanday imkoniyat qoldirmadi. Navbatdagi nokdaundan so'ng referi uchinchi raundning o'rtalarida jangni to'xtatishga majbur bo'ldi. Sakkizinchi bokschimiz ham Osiyo chempionatining finalida ishtirok etadigan bo'ldi.
