SportUz.Net
photo photo

Kutilmagan xabar: Tokio Olimpiadasi uchun o'tkaziladigan licenzion musobaqa bekor qilindi

16.02.2021 21:20    


Rasmni yuklab olish

Xalqaro Olimpiya qo'mitasi tomonidan boks bo'yicha Tokio-2020 licenzion musobaqasini o'tkazish bo'yicha tuzilgan ishchi guruhi ushbu sport turi bo'yicha Parijda o'tishi rejalashtirilgan jahon licenzion musobaqasi bekor qilinganini rasman tasdiqladi.

Bu borada barcha Milliy olimpiya qo'mitalarga rasmiy xabar yuborilmoqda.

Xabarda butun dunyoda yangi epidemiologik vaziyatning qayta avj olayotgani, sportchilarning salomatligini himoya qilish tashkilotning asosiy maqsadi ekani sabab qilib ko'rsatilgan. SHu tariqa, iyun oyida Parijda o'tadigan jahon licenzion musobaqasi o'tkazilmaydigan bo'ldi.

Hozirda boks bo'yicha 53 ta yo'llanma (32 erkaklar va 21 ayollar) taqsimlanmay qolgan edi. Malum qilinishicha, ushbu kvotalar barcha qitalarga bokschilarning Olimpiya vazn toifalaridagi reyting pog'onalariga qarab tarqatiladi. Bunda so'nggi 4 yil (2017-2021) orasida o'tkazilgan xalqaro musobaqalar inobatga olinadi. Bungacha o'tkazilmagan Amerika va Evropa qitalaridagi saralash musobaqalari may-iyun oylarida bo'lib o'tadi.

Eslatib o'tamiz, boks bo'yicha O'zbekiston terma jamoasi o'tgan yil Iordaniyada o'tgan licenzion musobaqa orqali 7 ta (6 erkak va 1 ayol) yo'llanmani qo'lga kiritgan edi.



Futbol yangiliklari || Futbol habarlari || Футбол янгиликлари || Футбол хабарлари
Do`stlarga yuboring: