Boks sport turida siz raqibingizni bitta zarba bilan "uxlatib qo'yishingiz" mumkin. Ammo shu zarbalar bir insonning umriga zomin bo'lishi ham mumkin, kamdan-kam hollarda bo'lsada. SHunday holatlar yuzaga kelmasligi uchun ham referining jangni o'z vaqtida to'xtata olishi ushbu sport turida qadrlanadi.
Quyida XX asrning eng "yirtqichona" nokautlarni tomosha qilishingiz mumkin:
Jek Dempsi — Luis-Anxel Firpo, 14. 09. 1923
Bir asr avvalgi boks janglarining deyarli har biri qaysidir manoda jozibaliroq bo'lgan. Bokschilar hech qanday taktikasiz, asosiysi raqibini kuchi tugagunicha kaltaklash maqsadida ringga chiqishgan. SHunday janglardan birida Jek Dempsi argentinalik Luis-Anxel Firpoga qarshi chempionlik kamarini himoya qiladi. Amerikalik bokschi dastlabki raundning o'zida 7 marta nokdaunga uchraydi, ammo tezda o'zini o'nglab olib, raqibini birato'la nokautga uchratadi.
Roy Jons — Montella Griffin, 07. 08. 1987
Ushbu revansh jangida muxlislar haqiqiy Roy Jonsni ko'rishadi. Besh oy avval o'tkazilgan jangda ham u Griffinni nokaut qilgan, ammo hakam uni bongdan so'ng raqibiga zarba berganlikda ayblab, diskvalifikaciya qilgan. Jangning birinchi raundida Jons 90 yillarning eng yaxshi bokschilaridan biri kim ekanligini ko'rsatib qo'yadi, hammasi dastlabki raunddayoq yakunlanadi.
Mayk Tayson — Trever Beybik, 22. 11. 1986
Ushbu janggacha WBC yo'nalishi bo'yicha chempion Trever Berbik hech qachon nokautga uchramagan edi. "Temir Mayk"ka bu jangda favorit sifatida qaralmagan, ammo u barcha taxminlarni yo'qqa chiqara olgandi. Trever haqiqiy nokautchi edi, ammo Mayk ikkinchi raundda kim aslida bu nomga munosibroq ekanligini isbotladi.
Muhammad Ali — Jorj Forman, 30. 10. 1974
Jorj Forman bu to'qnashuvga qadar 40 ta jang o'tkazib ulgurgan edi, u janglarining barchasida raqiblarini "er tishlatgan", buni 37 ta jangda raqiblarini nokaut qilganidan ham bilsak bo'ladi. Jang o'ta yuqori darajada bo'lganidan, bokschilarning tezda kuchi tugab qoladi. Sakkizinchi raundda Ali ajoyib zarbalar seriyasini uyushtiradi va engilmas chempionning "chirog'ini o'chirib qo'yadi". Bu jang boks tarixida "CHangalzordagi shovqin" deya eslanadi.
Kostya Czyu — Zab Juda, 3. 11. 2001
Istisno tariqasida XXI asrdagi jangni ham qo'shishni afzal bildik. O'rtaga engil vaznning uchta chempionlik kamari qo'yilgan edi. Kostya bu jangda optimal formasida emasdi, Juda esa aksincha. Ammo bu jangga hech qanday tasir o'tkaza olmadi. Jang avvalidayoq Czyu raqibini zarbalar seriyasi bilan siylaydi, Juda esa klinchdan o'zga chora topa olmasdi. Ikkinchi raund yakunlanishiga 3 sekund qolganida Zab o'ng tomondan kross zarbasini o'kazib yuborib, ringga yiqiladi. Amerikalik bokschi turishga harakat qiladi, ammo referi bunga hojat qoldirmasdan, jangni yakunlaydi. Rossiyalik muxlislar talqiniga ko'ra, bu nokaut yilning eng yaxshisi edi.
