Argentina terma jamoasi JCH-2022 saralash bosqichi doirasida Urugvay mehmoni bo‘lib, Anxel di Mariya tomonidan urilgan yagona gol evaziga g‘alaba qozondi.
Natijada "albiseleste"ning mag‘lubiyatsiz o‘yinlar seriyasi 26ta bahsga yetdi. Lionel Skaloni shogirdlari ayni paytda mag‘lubiyatsiz seriyasi hali uzilmagan jahonning eng yaxshi terma jamoasi bo‘lib turibdi.
Argentina bu borada o‘z rekordini takrorlash uchun yana 3ta o‘yinda mag‘lub bo‘lmasligi kerak.
Ma’lumot o‘rnida. Mag‘lubiyatsiz o‘yinlar seriyasi bo‘yicha jahon rekordi Italiyaga tegishli — 37ta bahs.
