Portugaliya terma jamoasi hujumchisi Krishtianu Ronaldu JCH-2022 saralash bosqichi doirasida bo‘lib o‘tgan Lyuksemburgga qarshi bahsda (5:0) uchta gol muallifiga aylandi.
"Gracenote Live" tarqatgan xabarga ko‘ra, 36 yoshli futbolchining JCH saralash bosqichlarida urgan gollari soni 36taga yetgan. Ushbu ko‘rsatkich bo‘yicha u eronlik Ali Dayiga tenglashib oldi.
Bu borada jahon rekordi Gvatemala vakili Karlos Ruisga tegishli bo‘lib, u terma jamoa tarkibida JCH saralash bahslarida 39ta gol muallifiga aylangan.
